Photo

ရခိုင်ပြည်နယ်ရှိ ဒုက္ခသည်စခန်း နှစ်ခု ယခုလအတွင်း အပြီး ပိတ်သိမ်းမည်

By 7Day News 21 April, 2018 - 14:10

ရခိုင်ပြည်နယ် ၀န်ကြီးချုပ် မီဒီယာများကို ရှင်းလင်း ပြောကြားနေစဉ် (ဓာတ်ပုံ − ပိုင်စိုးသူ)


ရခိုင်ပြည်နယ် မြေပုံနှင့် ကျောက်တော်မြို့နယ် ရှိ ဒုက္ခသည်စခန်း (IDPs Camp)နှစ်ခုကို ယခုလအတွင်း အပြီး ပိတ်သိမ်းမည်ဖြစ်ပြီး မိသားစု ၅၀၀ ခန့် နေထိုင်နိုင်သည့် လုံးချင်းအိမ် ၅၀ဆောက်လုပ်ပြီး ဖြစ်ကြောင်း ရခိုင် ပြည်နယ်ဝန်ကြီးချုပ် ဦးညီပုက ပြောသည်။

မြေပုံစခန်းတွင် ဒုက္ခသည် မိသားစု ၆၄၂ စုရှိပြီး ၎င်းတို့အ တွက် လုံးချင်းအိမ် ၅၀ ဆောက် လုပ်ပေးခဲ့သည်။

ဧပြီ ၂၀ ရက်က နေပြည် တော်ရှိ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၌ ပြုလုပ်သော ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ လေးကြိမ်မြောက် အစည်းအဝေး မစတင်မီ မီဒီယာများ၏ မေးမြန်းမှုကို ၎င်းက အထက်ပါအတိုင်း ပြန်လည် ဖြေကြားခဲ့သည်။

ရခိုင်ပြည်နယ်အတွင်း ဒုက္ခသည်စခန်း ၁၉ ခုရှိသည့်အနက် ငါးခုကို ပိတ်သိမ်းနိုင်ရေး ညှိနှိုင်း ဆောင်ရွက်နေသည်ဟု ရခိုင်ပြည်နယ်ဝန်ကြီးချုပ်က ပြောသည်။

‘‘အခုလတ်တလောဆိုရင် မြေပုံ IDP စခန်းဆိုရင် ကျွန်တော်တို့အားလုံး အဆင်သင့်ဖြစ်ပါပြီ။ ပြောင်းရွှေ့ပြီးတင်ရုံလောက်အထိကို ကျွန်တော်တို့လုပ်လို့ ရနေပြီ။ နောက်ပြီး ကျောက်တော်မှာ ရှိတဲ့ နိဒင်စခန်းကိုလည်း မြေကြီးတွေ ဘာတွေဝယ်ပြီးတော့ အကွက်တွေလည်း ရိုက်ထားပြီးပါပြီ။ ဒါလည်းပဲ မကြာခင် ပြောင်းရွှေ့သွားဖို့ပါ။ မြေပုံတို့၊ ကျောက်တော်မြို့နယ် နိဒင်တို့က ဒီအတောအတွင်းမှာကို ပြီးသွားနိုင်တဲ့ အနေအထားရှိပါတယ်’’ဟု ၎င်းကဆိုသည်။

ကိုဖီအာနန်ကော်မရှင်၏ အကြံပြုချက် တစ်ခုဖြစ်သော ဒုက္ခသည်စခန်းများ အမြန်ဆုံး ပိတ်သိမ်းရေးနှင့် ပတ်သက်၍ ပြည် နယ်အစိုးရနှင့် ၀န်ကြီးဌာနများ ပူးပေါင်း ဆောင်ရွက်နေပြီး ဒုက္ခသည်များ ပြန်လည်လက်ခံရေး တစ်ဆက်တည်း စီစဉ်နေသည် ဦးညီပုက ဆိုသည်။

ရခိုင်ပြည်နယ်တွင် ၂၀၁၂ ဇွန်လနှင့် အောက်တိုဘာအတွင်း စတင်ဖြစ်ပွားသည့် ပဋိပက္ခများ ကြောင့် ဒုက္ခသည်စခန်းများ၌ လူတစ်သိန်းထက်မနည်း နေထိုင်နေရပြီး ၂၀၁၆ ကစ၍ စစ်တွေ နှင့် ကျောက်ဖြူမှအပ ကျန်မြို့ နယ်အလိုက် ဖွင့်လှစ်ထားသည့် ဒုက္ခသည်စခန်းများ ဖျက်သိမ်းကာ ပြောင်းရွှေ့ပေးခဲ့သည်။

ထို့အပြင် ဘင်္ဂလားဒေ့ရ်ှနိုင်ငံဘက် တိမ်းရှောင်သူများနှင့် ပတ်သက်၍ ပြည်ထောင်စုဝန်ကြီး ဒေါက်တာဝင်းမြတ်အေးက ‘‘ပြန်လည်လက်ခံရေးအတွက် ကျွန်တော်တို့ဘက်က  အဆင်သင့်ဖြစ်တယ် ဆိုတာကိုလည်း ကြေညာထားပြီး ဖြစ်ပါတယ်။ အဆင်သင့်ဖြစ်တဲ့ နေရာမှာ ပြန်လည်လက်ခံရေး စခန်းအဆင်သင့် ဖြစ်တယ်။ ခေတ္တနေမယ့် ကြားစခန်းလေးမှာလည်း အခုနေလို့ရပြီ။ နောက်ပြီးတော့ ပြန်လည် နေရာချထားဖို့အ တွက်လည်း နေရာအသီးသီး ရည်ရွယ် သတ်မှတ်ထားတာတွေ ရှိတဲ့အပြင်ကို ရရှိပြီးသား စာရင်းအရကိုပဲ ပြန်ဝင်လာနိုင်မယ့် သူအများစုရှိမယ့် နေရာတွေမှာလည်း စတင်ပြီးတော့ အိမ်ရာတွေ အကောင်အထည်ဖော်ဖို့နဲ့ ကျေးရွာအဆင့်၊ မြို့နယ်အဆင့်စသဖြင့် ဒါတွေကို အကောင်အထည်ဖော် ဖို့ လုပ်ဆောင်နေပြီ ဖြစ်ပါတယ်’’ ဟု ဖြည့်စွက်ပြောကြားသည်။

ရခိုင်ပြည်နယ်အတွင်း ဖြစ်ပွားခဲ့သော ပဋိပက္ခများနှင့် ပတ်သက်၍ ဆောင်ရွက်ရန် ကိုဖီအာနန် ကော်မရှင်က  အကြံပြုထား သည့် အချက် ၈၈ ချက်ကို အစိုး ရထံတင်ပြပြီး  ယင်းအချက်များ အနက် ၅၇ ချက် ဆောင်ရွက်နိုင်ခဲ့သည်ဟု  ဒေါက်တာဝင်းမြတ်အေးက ဆိုသည်။

‘‘ဆောင်ရွက်နိုင်တယ်ဆို တာ တချို့လည်း ဆောင်ရွက်လို့ ပြီးပြတ်သွားတာ ရှိတယ်။ တချို့လည်း ဆောင်ရွက်နေဆဲပေါ့။ နောက်ထပ်ကျန်တဲ့ ၃၁ ချက် အနက်မှာ ဘယ်လိုအချက်တွေကို ဆက်လက် အကောင်အထည် ဖော်နိုင်မလဲဆိုတာ အစည်းအဝေးတွေမှာ ကိုယ့်ရဲ့ သက်ဆိုင်ရာ ကဏ္ဍအလိုက် တာဝန်ရှိတဲ့သူများက အကြံပြုဆွေးနွေးဖို့ တိုက်တွန်းချင်ပါတယ်’’ဟု ပြည်ထောင်စုဝန်ကြီးက ဆက်လက် ပြောကြားသည်။

ကိုဖီအာနန်ကော်မရှင် အကြံပြုချက်များနှင့် ပတ်သက်၍ အကောင်အထည်ဖော် ဆောင်ရွက်ရန်  ပြည်ထောင်စုဝန်ကြီးအဆင့် ဦးဆောင်သော ကော်မတီတစ်ရပ် ဖွဲ့စည်းဆောင်ရွက်ရန် နိုင်ငံတော်အတိုင်ပင်ခံရုံး ညွှန်ကြားချက်ဖြင့် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ရေး ကော်မတီကို  ဖွဲ့စည်း ဆောင်ရွက်ခဲ့သည်။

ယင်းကော်မတီမှ ရခိုင်ပြည်နယ်အတွင်း ဆောင်ရွက်နေမှုများ နှင့်ပတ်သက်၍ ပြည်သူသို့ အစီရင်ခံစာအဖြစ် လေးလလျှင် တစ်ကြိမ် တင်သွင်းရမည်ဖြစ်ပြီး လက်ရှိ တွင် ၂၀၁၇ ဒီဇင်ဘာလကုန်ထိသာ နောက်ဆုံး တင်သွင်းထားသည်။

‘‘အခု ဇန်န၀ါရီကနေပြီးတော့ ဧပြီလကုန်ဆိုရင် ဒုတိယအကြိမ် ပြည်သူသို့  အစီရင်ခံ စာတင်ရမှာ ဖြစ်ပါတယ်။ အဲဒီအတွက် ပုံစံတကျ၊ စနစ်တကျ ပေးပို့ပေးဖို့ ကြိုးစားပေးပါလို့ ပြောချင်ပါတယ်’’ ဟု ပြည်ထောင်စုဝန်ကြီးက ဆက်လက် ပြောကြားသည်။

ပိုင်စိုးသူ
Location - နေပြည်တော်
Issue No. 1776 Saturday, April 21, 2018

http://www.7daydaily.com

Your rating: None Average: 5 (1 vote)