Photo

လူသစ်တန်းများအတွက် စီမံအုပ်ချုပ်မှုပညာ လေ့လာစရာ

By Internet Journal 21 April, 2018 - 17:21

ဈေးကွက်ဆိုင်ရာ စီမံအုပ်ချုပ်မှု (Marketing Management) - စီးပွားရေးလုပ်ငန်းတစ်ခုကို စတင်ဆောင်ရွက်ကြသူတိုင်းသည် မိမိအကောင်အထည်ဖော် လုပ်ကိုင်မည့် လုပ်ငန်းစီးပွားအတွက် ဈေးကွက်ဖန်တီးနိုင်ရေးကို ပထမဦးစွာ လုပ်ကိုင်ကြရသည်။

ဈေးကွက်ရှာခြင်း ဖန်တီးခြင်းဖြင့် ဘဏ္ဍာငွေ ဖွံ့ဖြိုးမှုကို ရယူနိုင်စေသည်။ ဈေးကွက်တောင်းဆိုမှုမရှိခြင်းသည် စီးပွားဆောက်တည်၍ မရခြင်း ဖြစ်သည်။

ဈေးကွက်ဖန်တီးတည် ဆောက်နိုင်စေရန်အလို့ငှာ အစီအစဉ်များ ရေးဆွဲ၍ အစီအစဉ်အတိုင်း စနစ်တကျ လုပ်ကိုင်စေရန် Marketing Management သည် အရေးကြီးသော လုပ်ငန်းရပ်ဖြစ်လာရသည်။ ဈေးကွက်ရှာဖွေခြင်း သဘောတရားအရ ဈေးကွက်အယူအဆများ၊ ဈေးနှုန်းသတ်မှတ်မှုများ၊ ဖြန့်ဖြူးရေး နည်းပရိယာယ်များ အပါအဝင်စီမံချက် (Planning) ကို ရေးဆွဲယူကြရသည်။ မည်သည့်အရာများသည် ဈေးကွက်ဖန်တီးခြင်း၏ အခြေခံများ ဖြစ်သည်ကို ဦးစားပေးကြရသည်။ ကုန်ပစ္စည်း (Goods) ဝန်ဆောင်မှု (Services) လှုပ်ရှားဆောင်ရွက်မှုနှင့်အတွေ့အကြုံ (Events and experiences) ပုဂ္ဂိုလ်များ (Persons) နေရာနှင့် အဆောက်အဦ (Places and properties) ဖွဲ့စည်းစီစဉ်မှု (Organization) သတင်းအချက်အလက် (Information) နှင့် စိတ်ကူးအကြံဉာဏ် (Ideas) များသည် အခြေခံများဖြစ်ကြသဖြင့် မိမိနှင့်တိုက်ရိုက် ပတ်သက်မှုကို အရယူကာ အခြေပြုလုပ်ကိုင်ရသည်။

ဝယ်ယူအသုံးပြုသူများနှင့် ဆက်သွယ်ခြင်း၊ ပစ္စည်းလွှဲပြောင်း ပေးပို့ခြင်း၊ အမြဲတမ်း ဝယ်ယူအားပေးသူဖြစ်စေရန် ဖန်တီးခြင်း၊ ဝယ်ယူအသုံးပြုမည့်သူများကို လေးစားတန်ဖိုးထားဆောင်ရွက်ခြင်း စသည့်ဆောင်ရွက်ချက်များ နှင့်အတူ ဈေးကွက်ရည်မှန်းချက် ထားရှိနိုင်သည်အထိ လက်တွေ့ကျသော လုပ်ငန်းစဉ်များဖြင့်ဖြစ်စေ၊ သဘောသဘာဝကို နားလည်ထားကာ ဆွဲဆောင်သည့် နည်းလမ်းများဖြင့်ဖြစ်စေ လုပ်ကိုင်ဆောင်ရွက်မှုအားလုံးသည် Marketing Management ပင် ဖြစ်သည်။ ထိုသို့ဆောင်ရွက်မှုများသည်
လုပ်ငန်းကုမ္ပဏီ၏ တန်ဖိုးမြှင့်တင်မှုကို အထောက်အပံ့ ဖြစ်စေသည်။ ဝယ်ယူအသုံးပြုမည့်သူ၏ လိုချင်တမ်းတမှု သို့မဟုတ် လိုအပ်နေမှုတို့ကို ဖြည့်ဆည်းပေးခြင်းဖြင့် ကျေနပ်နှစ်ခြိုက်ကြစေသည်။

ထို့ကြောင့် ဈေးကွက်ဖန်တီးခြင်းအတွက် စီမံအုပ်ချုပ်သူသည် ပြင်ဆင်အကွက်ချ လုပ်ကိုင်မှု အများအပြားကို အချိန်အခါအလိုက် ဖန်တီးဆောင်ရွက်ယူကြရလေ့ ရှိသည်။ အထူးသဖြင့် Marketing Mix Theory ကို အသုံးချကြရသည်။ ထိုသီအိုရီကို 4Ps သီအိုရီဟု ခေါ်ဆိုကြသည်။ ယနေ့ခေတ်တွင်မူ 7Ps သီအိုရီဖြစ်လာခဲ့သည်။ မကြာသေးခင်ကမူ ဆဋ္ဌမမြောက် P ကို ထည့်သွင်းအသုံးပြုနိုင်ရန် အဆိုပြုချက်များပင် ရှိလာခဲ့သည်။ 4Ps သီအိုရီမှာ ကုန်ပစ္စည်း (Products) နေရာ (Place) ဈေးနှုန်း (Price) နှင့် အရောင်းမြှင့်တင်မှု (Promotion) တို့ကို ဆိုညွှန်းခြင်း ဖြစ်သည်။ 7Ps ဖြစ်လာစေရန်လူပုဂ္ဂိုလ် (People) လုပ် ငန်းစဉ် (Process) နှင့် ရုပ်ဝတ္ထု သက်သေ
အထောက်အထား (Physical evidence) တို့ကို ဖြည့်စွက်မှတ်ယူကြသည်။ ဆဋ္ဌမ မြောက် P ဆိုသည်မှာ ကုန်ထုတ် စွမ်းအား (Productivily) ကို အလေးထား ဆောင်ရွက်ရန် အကြောင်းကိစ္စရှိခြင်းကို ဆိုလိုပါ သည်။

ဝယ်ယူအသုံးပြုမည့်သူ၏ လိုလားချက် အမိအရ ပြဆိုနိုင်ရန် သို့မဟုတ် အံဝင်ခွင်ကျ ဖြစ်စေမည့် ကုန်ပစ္စည်းဖြစ်ရန် အရေးကြီးသည့်အတွက် သီအိုရီတွင် Products ကို အကြောင်းအချက် တစ်ခုအဖြစ် ပြဆိုခဲ့သည်။ ထိုနည်းတူစွာ ဝယ်ယူအသုံး
ပြုမည့်သူအနေဖြင့် ထိုသို့သော ပစ္စည်းကို ရယူနိုင်စေရေးအတွက် ရှိနေစေရမည့် ဆိုင်နေရာ သို့မဟုတ် ရောင်းချရာနေရာ Place သည် အရေးကြီးလှသည်။ မိမိရောင်းချမည့် ကုန်ပစ္စည်းကို အများစုမှ ဝယ်ယူအသုံးပြုနိုင်စေမည့် ဈေးနှုန်း (Price) သည်လည်း ဈေးကွက်ဖန်တီးမှု အစီအစဉ်၏ အရေးပါသောအချက် ဖြစ်နေသည်။ အများအားဖြင့် ဈေးနှုန်းချိုသာမှုကို ဝယ်ယူအားပေးမည့်သူ အများစုက ကြိုက်နှစ်သက်ကြသည်။ သို့ရာတွင် ဈေးနှုန်းကြီးမြင့်ခြင်းသည် စပါယ်ရှယ် ထုတ်လုပ်မှုကြောင့်ဖြစ်သဖြင့် တချို့သော
ဝယ်ယူသူများက တန်ဖိုးထားကာ အမြတ်တနိုး ဝယ်ယူကြသည့် အခြေအနေများလည်း ရှိနိုင်ပါသည်။ ဝယ်ယူအသုံးပြုသူအား မိမိ၏ ကုန်ပစ္စည်းအကြောင်း သိရှိနိုင်ရန် ကြော်ငြာပေးရသည်။ ကြော်ငြာရာတွင်လည်း မိမိ၏ ကုန်ပစ္စည်းအကြောင်း သိရှိစေရန် သို့မဟုတ် စိတ်ဝင်စားမှု ရှိစေရန် လုပ်ကိုင်ပေးရခြင်းဖြစ်သည်။ အကယ်၍ သိရှိပြီးသော ပစ္စည်းဖြစ်ပါက ပိုမိုစိတ်ဝင်စားစေရန် ဆွဲဆောင်မှုအနေဖြင့် အရောင်းမြှင့်တင်ပွဲ (Promot-ion) များ ပြုလုပ်ကြရသည်။ လူအများမြင်တွေ့နိုင်သော နေရာများကို ဗဟိုပြု၍ ရုတ်တရက် ဈေးနှုန်းလျှော့ချ ရောင်းခြင်း သို့မဟုတ် တန်ဖိုးရှိသော ပစ္စည်းကို မဲဖောက်ပေးခြင်း လက်ဆောင်ပေးခြင်းများ လုပ်ကိုင်မှုအားလုံး သည် Promotion သာ ဖြစ်သည်။

7Ps ဖြစ်လာစေသည့် နောက်တိုးများမှ People ဆိုသည့် အကြောင်းအချက်သည် ဝယ်ယူအသုံးပြုသူများ မဟုတ်ပေ။ လုပ်ငန်း စီးပွားဆောင်ရွက်သည့် ကုမ္ပဏီ သို့မဟုတ် အဖွဲ့အစည်း၏ လူပုဂ္ဂိုလ်များကို ဆိုလိုရင်း ဖြစ်သည်။ အရောင်းဝန်ထန်းအဆင့်မှ ဦးဆောင် ညွှန်ကြားပေးသည့် ဒါရိုက်တာအထိ ပုဂ္ဂိုလ်များအနေဖြင့် မိမိကုန်ပစ္စည်းနှင့် ဈေးကွက်အကြောင်းကို အသေးစိတ်သိရှိပြီး ကျွမ်းကျင်လိမ္မာစွာ လုပ်ကိုင် ဆောင်ရွက်သူများဖြစ်ရန် အရေး ကြီးကြောင်း ဖော်ပြခြင်းဖြစ်သည်။ လုပ်ငန်းစဉ် (Process) အတွက် စနစ်တကျ ပစ္စည်းလွှဲပြောင်းထုတ်ပေးနိုင်ခြင်းနှင့် စနစ်တကျ ငွေပေးချေနိုင်ခြင်းတို့ဖြင့် ဈေးကွက်ဖန်တီးမှုကို ပိုမိုအောင် မြင်နိုင်ပါစေ
သည်။ ရုပ်ဝတ္ထုသက်သေ အထောက်အထား (Physical evidence) ဆိုသည့် အကြောင်း အချက်မှာ မိမိကုန်ပစ္စည်း ဝယ်ယူသူက မြင်သာထင်သာရှိစေမည့် အထောက်အထားများ ဖန်တီးရခြင်းဖြစ်သည်။ ဥပမာအားဖြင့် လက်ကမ်းစာရွက်များဖြင့် အသေးစိတ် ရှင်းလင်းတင်ပြပေးရသည်။ လူအများမြင်ကွင်းတွင် မိမိကုန်ပစ္စည်းများရဲ့ အားသာချက်များကို ပြသပေးနိုင်မည့် Road show များ ပြုလုပ်ရန် လိုအပ်သည်။ ယနေ့ခေတ်တွင် ကုန်ပစ္စည်း၏ ညွှန်းတမ်းများကို ဗီဒီယို ပြကွက်များဖြင့် ပြသပေးကြပုံများကို မြင်တွေ့လာကြရသည်။ ဆဋ္ဌမမြောက် 8thP သည် ကုန်ထုတ်စွမ်းအားဟုဆိုရာတွင် တောင်းဆိုမှုနှင့်အညီ လိုအပ်သလောက် အရေအတွက် ထုတ်လုပ်ပေးနိုင်ရန်နှင့် ထုတ်လုပ်သမျှ အရည်အသွေး ပြည့်မီရန် အရေးကြီးပါသည်။ နိုင်ငံတစ်ခုအတွင်းရှိ လုပ်ငန်းစီးပွားများ၏ Marketing Management မှန်ကန်မှုသည်နိုင်ငံ၏ လူနေမှုစနစ်ကို မြင့်မားစေသည်။ လူအများအပြားအတွက်
အလုပ်အကိုင် အခွင့်အလမ်းပေါ်စေသည်။ နိုင်ငံအတွက် ဝင်ငွေများလည်း တိုးပွားစေသည်။ စီးပွားရေးတည်ငြိမ်မှုလည်း ဖြစ်စေသည်စသည့် အကျိုးဆက် များ ရရှိလာနိုင်စေပါသည်။

Marketing Management ဆောင်ရွက်ရာတွင်မဖြစ်မနေ လုပ်ကိုင်ရမည့် လုပ်ငန်းစဉ်( ၁၀) ချက်ရှိပါသည်။ ဈေးကွက်စမ်းသပ်မှု (Market analysis) ရည်မှန်းချက်သတ်မှတ်ခြင်း (Set goals) အရှုံးအမြတ်ကို ခန့်မှန်းတွက်ချက်ခြင်း (Forecast sales and profits) နည်းဗျူဟာများ ပေါ်လစီများ လုပ်ထုံးလုပ်နည်းများ ချမှတ်ရခြင်း (Strategies, polices & procedure) သင့်လျော်သည့်ဈေးကွက်
ဖွင့်အကွက်များ ပြင်ဆင်ခြင်း (Evolve appropriate marketing mix) လှုပ်ရှားဆောင်ရွက်ရန် ဖွဲ့စည်း စီမံခြင်း (Organize
marketing activities) အရင်းအမြစ်များ စုစည်းခြင်း (Organize resources) ကုန်ပစ္စည်းဆိုင်ရာ စီမံချက်များ ပါဝင်စေခြင်း (Participation in product planning) အဆက်မပြတ် ရောင်းချနိုင်ရေးနှင့် တိုးချဲ့ လက်ဆင့်ကမ်း ဖွင့်လှစ်ရန် စီမံထားခြင်း  (Managing supply chain) ရောင်းချပြီးနောက် အာမခံချက်နှင့် ဝန်ဆောင်မှုများ ပေးနိုင်ရန် စီစဦခြင်း (After sales activit- ies) တို့ ဖြစ်သည်။

စီမံအုပ်ချုပ်မှု ကောင်းမွန်ကာ စနစ်တကျ လုပ်ကိုင်နိုင်ခဲ့ပါက ရေရှည်အောင်မြင်မှုရနိုင်ခြင်း၊ ဈေးကွက်ထိုးဖောက်မှု မြန်ဆန်ခြင်း၊ ဖန်တီးကြံဆကာ ပိုမိုအရည် အသွေးကောင်းမွန်သော ကုန်ပစ္စည်းများကို ရောင်းချနိုင်ခြင်း၊ အမြတ်အစွန်းများ ရနိုင်ခြင်း အလုပ်အကိုင် အခွင့်အလမ်းများ ဖန်ဆင်းနိုင်ခြင်းနှင့် လူမှုဘဝမြင့် မားရေးတို့ကို ဖြစ်ပေါ်လာစေမှာ အမှန်ဖြစ်ပါတော့သည်။

(ရှေ့အပတ် Quality Management ကို ဖော်ပြပေးပါမည်)

ရွှေပုလဲအိမ်

http://www.internetjournal.media

Your rating: None Average: 5 (1 vote)